പ്രഭാസ് ചിത്രം ആദിപുരുഷിൻറെ റിലീസ് തീയതി പുറത്തുവിട്ടു

ഇന്ത്യന്‍ ഇതിഹാസം പ്രമേയമാകുന്ന പുതിയ ചിത്രത്തിൽ പ്രഭാസ് നായകനായി എത്തുന്നു എന്ന വാർത്തകൾ നേരത്തെ വന്നിരുന്നു. ചിത്രം ത്രിഡി രൂപത്തിലാണ് ഒരുക്കുന്നത്. ആദിപുരുഷ് എന്ന് പേരിട്ടിരിക്കുന്ന ചിത്രം തന്‍ഹാജിയുടെ സംവിധായകനും റെട്രോഫൈല്‍ പ്രോഡക്ഷന്‍ കമ്പനി സ്ഥാപകനുമായ ഓം റൗട്ടാണ് ഒരുക്കുന്നത്. ഇപ്പോൾ ആദിപുരുഷിൻറെ റിലീസ് തീയതി അണിയറപ്രവർത്തകർ പുറത്തുവിട്ടു. ചിത്രം 2022 ഓഗസ്റ്റ് പതിനൊന്നിന് തീയറ്ററിൽ പ്രദർശനത്തിന് എത്തും.

പ്രഭാസ്- ഓം റൗട്ട് കൂട്ടുകെട്ടിലിറങ്ങുന്ന ആദിപുരുഷിന്റെ പോസ്റ്റര്‍ പ്രഭാസ് തന്റെ ഫേസ്ബുക്ക് പേജിലൂടെ പുറത്തിറക്കി. ടി- സീരിയസ്, റെട്രോഫൈല്‍ ബാനറില്‍ ഭൂഷണ്‍ കുമാറും കൃഷ്ണകുമാറും ഓം റൗട്ടും ചേര്‍ന്നാണ് നിര്‍മ്മിക്കുന്നത്. സാഹോയ്ക്കും രാധേശ്യാമിനും ശേഷം നിര്‍മ്മാതാവായ ഭൂഷണ്‍ കുമാറുമായുള്ള പ്രഭാസിന്റെ മൂന്നാമത്തെ പ്രോജക്ടാണ് ആദിപുരുഷ് എന്ന ത്രിഡി ചിത്രം.

Leave a Reply

Your email address will not be published. Required fields are marked *

error: Content is protected !!