ബോളിവുഡ് താരം ഭൂമി പഡ്‌നേക്കറിന്റെ ‘ദുര്‍ഗാമതി’ എന്ന ഹിന്ദി ചിത്രം ഡിസംബര്‍ 11ന് റിലീസ് ചെയ്യും. ഒടിടി പ്ലാറ്റ്‌ഫോമായ ആമസോണ്‍ പ്രൈമിലാണ് ചിത്രം റിലീസ് ചെയ്യുന്നത്. 2018ല്‍ പുറത്തിറങ്ങിയ ‘ഭാഗമതി’ എന്ന തെലുങ്കു ചിത്രത്തിന്റെ ഹിന്ദി റീമെയ്ക്കാണ് ‘ദുര്‍ഗാമതി’. ‘ഭാഗമതി’യില്‍ അനുഷ്‌ക ഷെട്ടിയായിരുന്നു നായികയായി അഭിനയിച്ചത്.
ഹൊറര്‍ ത്രില്ലറായ ചിത്രത്തിന്റെ സംവിധായകന്‍ ജി. അശോകാണ്. കുല്‍ദീപ് മമാനിയയാണ് ഛായാഗ്രഹണം നിര്‍വ്വഹിക്കുന്നത്. അക്ഷയ് കുമാര്‍, ബൂഷന്‍ കുമാര്‍, വിക്രം മല്‍ഹോത്ര എന്നിവരാണ് ചിത്രം നിര്‍മ്മിക്കുന്നത്. ഉണ്ണികൃഷ്ണന്‍ പിപിയാണ് ചിത്രത്തിന്റെ എഡിറ്റിങ്. ഭൂമി പഡ്‌നേക്കറിന് പുറമെ അര്‍ഷദ് വാര്‍സി, ജിഷു സെന്‍ഗുപ്ത എന്നിവരും ചിത്രത്തിലെ മറ്റു കഥാപാത്രങ്ങളാണ്.