വിനീത് ശ്രീനിവാസൻ ഒരുക്കുന്ന പുതിയ ചിത്രത്തിൽ ഗായകനായി പൃഥ്വിരാജ്

വിനീത് ശ്രീനിവാസന്‍ സംവിധാനം ചെയ്യുന്ന ‘ഹൃദയം’ എന്ന ചിത്രത്തിൽ ഗായകനായി എത്തുകയാണ് നടൻ പൃഥ്വിരാജ്.പ്രണവ് മോഹന്‍ലാലിനെയും കല്യാണി പ്രിയദര്‍ശനെയും കേന്ദ്രകഥാപാത്രങ്ങളാക്കി ഒരുക്കുന്ന ചിത്രമാണ് ‘ഹൃദയം’. ചിത്രത്തിനായി പൃഥ്വിരാജിന്റെ പാട്ട് റെക്കോര്‍ഡ് ചെയ്യുന്ന ഫോട്ടോ വിനീത് ശ്രീനിവാസന്‍ തന്നെ ഇന്‍സ്റ്റഗ്രാമില്‍ പങ്കുവച്ചു. ഹിഷാം അബ്ദുള്‍ വഹാബാണ് സിനിമയിലെ ഗാനങ്ങൾക്ക് ഈണം നൽകുന്നത്. പ്രണവ് നായകനാകുന്ന മൂന്നാമത്തെ ചിത്രവുമാണ് ഹൃദയം. സിനിമയുടെ തിരക്കഥ വിനീത് ശ്രീനിവാസൻ തന്നെയാണ് എഴുതിയിരിക്കുന്നത്.

മോഹന്‍ലാല്‍ നായകനായ മരക്കാര്‍ അറബിക്കടലിന്റെ സിഹം എന്ന സിനിമയില്‍ പ്രണവും കല്യാണിയും ഒന്നിച്ച് അഭിനയിച്ചിട്ടുണ്ട്. അവർ വീണ്ടും താരജോഡികളായി ഒന്നിക്കുകയാണ് ഈ ചിത്രത്തിലൂടെ. വിശാഖ് സുബ്രഹ്മണ്യം നിര്‍മ്മിക്കുന്ന ഹൃദയത്തിന്റെ സഹനിര്‍മാതാവ് നോബിള്‍ ബാബു തോമസാണ്. ഈ ഓണത്തിന് സിനിമ തിയറ്ററിലെത്തും.

Leave a Reply

Your email address will not be published. Required fields are marked *

error: Content is protected !!