വാൾ ഉപയോഗിച്ച് കേക്ക് മുറിച്ചത് വിവാദം; മാപ്പ് ചോദിച്ച് വിജയ് സേതുപതി

തമിഴ് നടൻ വിജയ് സേതുപതിയുടെ പിറന്നാൾ ആഘോഷത്തിൽ വിവാദം. വാൾ ഉപയോഗിച്ച് ജന്മദിന കേക്ക് മുറിച്ചതാണ് വിവാദമായത്. സോഷ്യല്‍ മീഡിയയില്‍ വിമര്‍ശനം ഉയര്‍ന്നതോടെ വിജയ് സേതുപതി ക്ഷമ ചോദിച്ചു. മോശം സന്ദേശമാണ് തന്‍റെ പ്രവൃത്തി നല്‍കിയതെന്നും ഭാവിയില്‍ ആവര്‍ത്തിക്കില്ലെന്നുമാണ് വിജയ് സേതുപതി കുറിച്ചത്.

വിജയ് സേതുപതിയുടെ കുറിപ്പ് ഇങ്ങനെ,

“ജന്മദിനാശംസകള്‍ നേര്‍ന്ന എല്ലാവര്‍ക്കും ഹൃദയംഗമമായ നന്ദി. മൂന്ന് ദിവസം മുന്‍പുള്ള ജന്മദിനാഘോഷത്തിന്‍റെ ചിത്രം ഇപ്പോള്‍ വിവാദമായിരിക്കുകയാണ്. സംവിധായകന്‍ പൊൻറാമിന്‍റെ പുതിയ ചിത്രത്തിലാണ് ഞാൻ ഇപ്പോൾ അഭിനയിക്കുന്നത്. ചിത്രത്തിന്‍റെ സെറ്റിലായിരുന്നു ആഘോഷം. ആ സിനിമയിൽ വാളിന് വലിയ പ്രാധാന്യമുണ്ട്. അതുകൊണ്ടാണ് വാൾ ഉപയോഗിച്ച് കേക്ക് മുറിച്ചത്. ഇത് തെറ്റായ സന്ദേശമാണ് നല്‍കുന്നതെന്ന് പലരും ചൂണ്ടിക്കാട്ടിയിട്ടുണ്ട്. ഇനി കൂടുതല്‍ സൂക്ഷ്മത കാണിക്കും. ആരെയെങ്കിലും വേദനിപ്പിച്ചെങ്കില്‍ ക്ഷമ ചോദിക്കുന്നു. എന്‍റെ പ്രവൃത്തിയില്‍ ഖേദിക്കുന്നു.”

Leave a Reply

Your email address will not be published. Required fields are marked *

error: Content is protected !!