സിനിമാ മേഖലയിലെ പുരുഷാധിപത്യത്തെ പരിഹസിച്ച് നടി ശ്രദ്ധ

സിനിമാ മേഖലയിലെ പുരുഷാധിപത്യത്തെ പരിഹസിച്ച് നടി ശ്രദ്ധ ശ്രീനാഥ്. ബോളിവുഡ് നടൻ വരുൺ ധവാന്റെ വിവാഹച്ചിത്രം പങ്കുവച്ചാണ് ശ്രദ്ധയുടെ പരിഹാസം. ഇക്കഴിഞ്ഞ ജനുവരി 25നായിരുന്നു വരുണും പ്രണയിനി നടാഷ ദലാലും വിവാഹിതരായത്. വിവാഹം കഴിഞ്ഞതോടെ വരുണിനെ മറ്റ് നടിമാർക്കൊപ്പം അഭിനയിക്കാൻ ഭാര്യ നടാഷയും വീട്ടുകാരും സമ്മതിക്കില്ലെന്നും വരുണിന്റെ കരിയർ തീർന്നുവെന്നുമായിരുന്നു ഇരുവരുടെയും വിവാഹ ചിത്രം പങ്കുവച്ച് ശ്രദ്ധ പങ്കുവച്ചത്.

“പുരുഷാധിപത്യത്തെ പരിഹസിച്ച് ഞാൻ ഇന്നലെ ഒരു കുറിപ്പെഴുതിയിരുന്നു. ലിംഗഭേദം ഒന്ന് മാറ്റിയെന്നേയുള്ളൂ. നിങ്ങൾക്ക് അത് തമാശയായി തോന്നിയല്ലേ? വിവാഹശേഷം ഒരു നടൻ അഭിനയത്തിൽ നിന്ന് പിന്മാറുന്നുവെന്ന് പറഞ്ഞപ്പോൾ നിങ്ങൾക്കത് അസംബന്ധമായി തോന്നി. എന്നാൽ ഇതേ ധാരണ ഒരു അഭിനേത്രിയെക്കുറിച്ചാണെങ്കിൽ നിങ്ങൾക്കെന്താണ് അത് അസംബന്ധമായി തോന്നാത്തത്.” ശ്രദ്ധ കുറിക്കുന്നു.

 

Leave a Reply

Your email address will not be published. Required fields are marked *

error: Content is protected !!