പാലക്കാട് രാജ്യാന്തര ചലച്ചിത്ര മേളയ്ക്ക് ഇന്ന് തുടക്കം : ആദ്യ ദിനത്തിൽ നൈറ്റ് ഓഫ് ദി കിംഗ്സ് ഉൾപ്പടെ 20 ചിത്രങ്ങൾ

രാജ്യാന്തര ചലച്ചിത്ര മേളയുടെ ആദ്യ ദിനത്തിൽ പ്രദർശിപ്പിക്കുന്നത് പത്ത് ലോക സിനിമകൾ ഉൾപ്പടെ ആകെ 20 ചിത്രങ്ങൾ. ഫിലിപ്പിലക്കോട്ട് സംവിധാനം ചെയ്ത നൈറ്റ് ഓഫ് ദി കിംഗ്സ് ആണ് ആദ്യ ചിത്രം . തുടർന്ന് ലോകസിനിമയിലെ 10 ചിത്രങ്ങൾ ആദ്യദിനത്തിൽ അഞ്ചു തിയേറ്ററുകയിലായി പ്രദർശിപ്പിക്കും.മത്സര വിഭാഗത്തിൽ നിന്നുള്ള നാലു ചിത്രങ്ങളും ആദ്യ ദിനത്തിലുണ്ട്.

പാപം ചെയ്യാത്തവർ കല്ലെറിയട്ടെ , സീ യൂ സൂൺ എന്നിവയാണ് ആദ്യ ദിനത്തിലെ മലയാള ചിത്രങ്ങൾ. മേളയുടെ മുൻ പതിപ്പുകളിൽ പ്രേക്ഷക പ്രീതി നേടിയ ദി വേയ്സ്റ്റ് ലാൻഡ് , ഡിയർ കോമ്രേഡ്സ്, സമ്മർ ഓഫ് 85 എന്നീ ചിത്രങ്ങളുടെ പ്രദർശനവും തിങ്കളാഴ്ചയുണ്ടാകും . വൈകുന്നേരം ആറിനാണ് ഉദ്ഘാടന ചിത്രമായ ക്വോ വാഡിസ്, ഐഡ? പ്രദര്‍ശിപ്പിക്കുന്നത് . ജാസ്മില സബാനിക് സംവിധാനം ചെയ്ത ഈ ബോസ്‌നിയന്‍ ചിത്രം പ്രിയ തിയേറ്ററിലാണ് പ്രദർശിപ്പിക്കുക

ബോസ്‌നിയൻ വംശഹത്യയുടെ പിന്നാമ്പുറങ്ങൾ പുതിയ കാഴ്ചപ്പാടിലൂടെ ആവിഷ്‌കരിക്കുന്ന ചിത്രം അന്താരാഷ്ട്ര സംഘര്‍ഷങ്ങളുടെ ഉത്ഭവവും യുദ്ധത്തിന്റെ അര്‍ത്ഥരാഹിത്യവും അനാവരണംചെയ്യുന്നു. പ്രധാന വേദിയായ പ്രിയദർശിനി തിയേറ്റർ സമുച്ചയം ഉൾപ്പടെ അഞ്ചു തിയേറ്ററുകളിലായിട്ടാണ് മേളയിലെ ചിത്രങ്ങൾ പ്രദർശനം.

Leave a Reply

Your email address will not be published. Required fields are marked *

error: Content is protected !!