ഇന്ന് ഡാനിയൽ ക്രെയ്ഗ് ജന്മദിനം

ഇംഗ്ലണ്ടിൽ നിന്നുള്ള ഒരു ചലച്ചിത്ര നടനാണ് ഡാനിയൽ റഗ്ടൺ ക്രെയ്ഗ് (ജനനം 2: മാർച്ച് 1968). ദ പവർ ഓഫ് വൺ എന്ന ചിത്രത്തിൽ ഒരു ചെറുവേഷത്തിലഭിനയിച്ചുകൊണ്ടാണ് ചലച്ചിത്ര ലോകത്തിലേക്ക് പ്രവേശിച്ചത്. എ കിഡ് ഇൻ കിങ് ആർതേർസ് കോർട്ട് (ചലച്ചിത്രം), ഷാർപ്സ് ഈഗിൾ, ദ യങ് ഇൻഡ്യാന ജോൺസ് ക്രോണിക്കിൾസ് (ടെലിവിഷൻ പരമ്പര) എന്നിവയിലെ കഥാപാത്രങ്ങളാണ് ആദ്യകാലത്ത് ശ്രദ്ധേയമായവ. ലെയർ കേക്കിലെ നായക കഥാപാത്രം, ലാറ ക്രോഫ്റ്റ്: ടൂംബ് റെയ്ഡറിൽ ആഞ്ചലീന ജോളിയൊടൊത്തുള്ള പ്രകടനം എന്നിവ ക്രെയ്ഗിനെ താര പദവിയിലേക്കുയർത്തി.

ഇയോൺ പ്രൊഡക്ഷന്റെ ജെയിംസ് ബോണ്ട് ചലച്ചിത്ര പരമ്പരയിൽ കേന്ദ്ര കഥാപാത്രമായ രഹസ്യാന്വേഷകൻ ജെയിംസ് ബോണ്ടിനെ അവതരിപ്പിച്ച ആറാമത്തെ നടൻ ക്രെയ്ഗാണ്. 2006-ൽ ഇറങ്ങിയ കാസിനോ റോയലേയിലാണ് ക്രെയ്ഗ് ഈ വേഷത്തിൽ തുടക്കം കുറിച്ചത്. ഇദ്ദേഹമഭിനയിച്ചേറ്റവും പുതിയ ജെയിംസ് ബോണ്ട് ചിത്രം, ക്വാണ്ടം ഓഫ് സൊളേസ്, 2008 ഒക്ടോബർ, നവംബർ മാസങ്ങളിലായി ലോകമെമ്പാടും പുറത്തിറങ്ങി. വോഗ് മാസികയുടെ കണക്കുകൾ പ്രകാരം ബ്രിട്ടണിലെ ഇപ്പോഴത്തെ ഏറ്റവുമധികം പ്രതിഫലം ലഭിക്കുന്ന നടൻ ഇദ്ദേഹമാണ്.

Leave a Reply

Your email address will not be published. Required fields are marked *

error: Content is protected !!