മികച്ച അഭിപ്രായം നേടി നാഗാർജുന ചിത്രം വൈൽഡ് ഡോഗ്. ഇന്നലെ റിലീസ് ചെയ്ത ചിത്രം മികച്ച വിജയം നേടി മുന്നേറുകയാണ്. ചിത്രത്തിൻറെ സ്‌ട്രീമിംഗ്‌ അവകാശം നെറ്റ്ഫ്ലിക്സ് സ്വന്തമാക്കിയിരുന്നു. ഏകദേശം 27 കോടി രൂപയ്ക്കാണ് ചിത്രം നെറ്റ്ഫ്ലിക്സ് സ്വന്തമാക്കിയത്.യഥാർത്ഥ സംഭവങ്ങളെ ആസ്പദമാക്കി ആഷിഷർ സോളമൻ സംവിധാനം ചെയ്ത വൈൽഡ് ഡോഗിൽ മുൻനിര നടി ദിയ മിർസ നായികയായി എത്തുന്നു.
നിരഞ്ജൻ റെഡ്ഡിയും അൻ‌വേഷ് റെഡ്ഡിയും സംയുക്തമായിട്ടാണ് നാഗാർജ്ജുന ചിത്രം നിർമിക്കുന്നത്. ഛായാഗ്രാഹകൻ ഷെയ്ൻ ഡിയോ ആണ്. എൻ‌ഐ‌എ ഓഫീസർ വിജയ് വർ‌മ്മയുടെ വേഷത്തിൽ നാഗാർജ്ജുന അഭിനയിക്കുന്ന വൈൽഡ് ഡോഗ് എന്ന ചിത്രം ഏകദേശം 25 കോടി രൂപയുടെ ബഡ്ജറ്റിലാണ് നിർമ്മിച്ചിരിക്കുന്നത്.