നയൻതാര, കുഞ്ചാക്കോ ബോബൻ എന്നിവരുടെ വരാനിരിക്കുന്ന മലയാള ചിത്രം നിഴലിൻറെ സെൻസറിങ് പൂർത്തിയായി. ക്ലീൻ U സർട്ടിഫിക്കറ്റ് ആണ് ചിത്രത്തിന് ലഭിച്ചത്. ത്രില്ലർ സ്വഭാവമുള്ള ചിത്രമാണിത്.
എസ് സഞ്ജീവ് തിരക്കഥയൊരുക്കിയിരിക്കുന്ന ചിത്രത്തിന്‍റെ ഛായാഗ്രഹണം ദീപക് ഡി മേനോന്‍ ആണ്. അഞ്ചാം പാതിരായ്ക്ക് ശേഷം കുഞ്ചാക്കോ വീണ്ടും ഒരു ത്രില്ലർ ചിത്രത്തിൽ അഭിനയിക്കുന്നു എന്ന പ്രത്യേകതയും ചിത്രത്തിന് ഉണ്ട്. ആന്‍റോ ജോസഫ് ഫിലിം കമ്പനി, ടെന്‍റ്പോള്‍ മൂവീസ്,മെയ്‍ലോഞ്ച് ഫിലിം ഹൗസ്, എന്നിവയുടെ ബാനറുകളില്‍ ആന്‍റോ ജോസഫ്, ബാദുഷ, ഫെല്ലിനി ടി പി, ജിനേഷ് ജോസ്, അഭിജിത്ത് എം പിള്ള എന്നിവർ ചേർന്നാണ് ചിത്രം നിർമിക്കുന്നത്.