തൊഴിലാളി ദിന ആശംസാ പോസ്റ്റൊരു ട്രോളായിരുന്നുവെന്ന് ബോബി ചെമ്മണ്ണൂര്‍

ലോക തൊഴിലാളി ദിനത്തില്‍ നടന്‍ മോഹന്‍ലാലിനെയും നിര്‍മ്മാതാവ് ആന്റണി പെരുമ്പാവൂരിനേയും കുറിച്ചുള്ള ഫേസ്ബുക്കില്‍ പങ്കുവെച്ച പോസ്റ്റ് ട്രോളായിരുന്നുവെന്ന് ബോബി ചെമ്മണ്ണൂര്‍. തമാശആയിട്ടാണ് ആ പോസ്റ്റിനെ കണ്ടതെന്നും ആരയെങ്കിലും വിഷമിപ്പിച്ചിട്ടുണ്ടെങ്കില്‍ മാപ്പ് തരണമെന്നും ബോബി ചെമ്മണ്ണൂര്‍ പറയുന്നു

. വെളുക്കാന്‍ തേച്ചത് പാണ്ടായിപ്പോയി എന്ന അടിക്കുറിപ്പോടെ സ്വന്തം ശബ്ദത്തിലുള്ള വീഡിയോ സന്ദേശം പങ്കുവെച്ചായിരുന്നു ബോബിയുടെ മറുപടി. മുതലാളിയെ കൊണ്ട് പണിയെടുപ്പിച്ച് കോടീശ്വരനായ ലോകത്തിലെ ഏക തൊഴിലാളി എന്നായിരുന്നു മോഹന്‍ലാലും ആന്റണി പെരുമ്പാവൂരും ഒരുമിച്ചുള്ള ഫോട്ടോ പങ്കുവെച്ച്, ബോബി ചെമ്മണ്ണൂര്‍ പോസ്റ്റിട്ടത്. പോസ്റ്റിനെതിരെ വന്‍വിമര്‍ശനമാണ് സമൂഹമാധ്യമങ്ങളില്‍ ഉയര്‍ന്നത്.

‘ഞാ‍ൻ എപ്പോഴും ട്രോളുകളിൽ നിറഞ്ഞു നിൽക്കുകയും, നിങ്ങളെ ചിരിപ്പിക്കുകയുമാണല്ലോ പതിവ്. ഈ പോസ്റ്റ് ആരെയെങ്കിലും വിഷമിപ്പിച്ചെങ്കില്‍ മാപ്പ്. ലാലേട്ടൻ വലിയ നടനാണ്. ആന്റണി പെരുമ്പാവൂർ സ്വന്തം കഴിവുകൊണ്ടും അധ്വാനം കൊണ്ടും വളർന്നു വന്ന വലിയ നിർമാതാവാണ്, ഞാന്‍ അവരെ ബഹുമാനിക്കുന്നു’- ബോബി ചെമ്മണ്ണൂര്‍ പറയുന്നു.

Leave a Reply

Your email address will not be published. Required fields are marked *

error: Content is protected !!