ലോകമെമ്പാടും ആരാധകരുള്ള ജെയിംസ് ബോണ്ട് സീരിസിലെ പുതിയ സിനിമ “നൊ ടൈം ടു ഡൈ” യുടെ പുതിയ സ്റ്റിൽ പുറത്തു വിട്ടു. ഡാനിയല്‍ ക്രേഗിൻ ആണ് ചിത്രത്തിലെ നായകൻ. ജെയിംസ് ബോണ്ടിൻറെ കുറ്റാന്വേഷണ കഥയിലെ ഇരുപത്തിയഞ്ചാമത് ചിത്രമാണിത്.
കാരി ജോജി ഫുകുനാഗയാണ് ചിത്രം സംവിധാനം ചെയ്യുന്നത്. റാൽഫ് ഫിയെൻസ്, റോറി കിന്നിയർ തുടങ്ങിയവരും ചിത്രത്തിൽ വേഷമിടുന്നുണ്ട്. മൈക്കൽ ജി വിൽസൺ, ബാർബറ ബ്രൊക്കോളി എന്നിവർ ചേർന്നാണ് ചിത്രം നിർമിച്ചിരിക്കുന്നത്. ഏപ്രിൽ രണ്ടിന് ചിത്രം പ്രദർശനത്തിന് എത്തും.