നയന്‍താര നായികയായി എത്തുന്ന ഏറ്റവും പുതിയ ചിത്രമാണ് ‘നെട്രിക്കണ്‍’. നായികാ പ്രാധാന്യമുള്ള ചിത്രത്തിൻറെ ട്രെയ്‌ലർ റിലീസ് ചെയ്തു. നേരിട്ട് ഓടിടി റിലീസിന് ഒരുങ്ങുകയാണ് ചിത്രം. ചിത്രം ഡിസ്‌നി പ്ലസ് ഹോട്ട് സ്റ്റാറിൽ ആണ് എത്തുന്നത്.
ചിത്രത്തിന്റെ നിര്‍മ്മാതാവ് വിഘ്‌നേഷ് ശിവന്‍ ആണ്. നയൻതാരയുടെ 65-മത്തെ ചിത്രമാണിത്. മിലിന്ദ് റാവു സംവിധാനം ചെയ്യുന്ന ചിത്രത്തില്‍ മലയാളി താരമായ അജ്മല്‍ അമീറും അഭിനയിക്കുന്നുണ്ട്. ഒരു ത്രില്ലര്‍ ചിത്രമായി എത്തുന്ന സിനിമയിൽ നയൻ‌താര അന്ധ ആയിട്ടാണ് അഭിനയിക്കുന്നത്.