ലോക റെക്കോര്‍ഡ് നേട്ടവുമായി എത്തിയ ‘കുട്ടിദൈവം’ റിലീസായി

ഡോ. സുവിദ് വില്‍സണ്‍ സംവിധാനവും നിര്‍മ്മാണവും നിര്‍വ്വഹിച്ച ‘കുട്ടി ദൈവം’ റിലീസായി. ക്യാമറ നായികയായി വരുന്ന ലോകത്തിലെ ആദ്യത്തെ റിയലിസ്റ്റിക് ഷോര്‍ട്ട് ഫിലിം എന്ന ലോക റെക്കോര്‍ഡിന്റെ നിറവില്‍ നില്‍ക്കെയാണ് ഇപ്പോള്‍ ചിത്രം പ്രേക്ഷകരിലേക്ക് എത്തിയിരിക്കുന്നത്.

ഉണ്ണിമുകുന്ദന്‍, വിജയ്‌സേതുപതി, ബാദുഷ എന്‍ എം എന്നീ മലയാളത്തിനകത്തും പുറത്തുമുള്ള പ്രമുഖരുടെ ഔദ്യോഗിക ഫെയ്‌സ്ബുക് പേജികളിലൂടെയാണ് ചിത്രം പുറത്ത് വിട്ടത്. ഓരോ സീനുകളും ഒറ്റ ഷോട്ടില്‍ ചിത്രീകരിക്കുകയും കേന്ദ്ര കഥാപാത്രത്തെ സിനിമയ്ക്ക് പുറത്ത് കാണിക്കുന്നില്ല എന്നതാണ് ഈ ഷോര്‍ട്ട് മൂവിയുടെ പ്രത്യേകത.

പ്രജോദ് കലാഭവന്‍, പ്രശാന്ത് അലക്‌സാണ്ടര്‍, നസീര്‍ സംക്രാന്തി, പാലാ അരവിന്ദന്‍, കണ്ണന്‍ സാഗര്‍, ഷഫീഖ് റഹ്‌മാന്‍, കിടു ആഷിക്, സുദീപ് കാരക്കാട്ട്, സജി കൃഷ്ണ, അജീഷ് ജോസ്, അഷ്‌റഫ് ഗുക്കുകള്‍, മാസ്റ്റര്‍ കാശിനാഥന്‍ തുടങ്ങിയ മോളിവുഡിലെ പ്രശസ്ത അഭിനേതാക്കള്‍ ഈ സിനിമയിലെ മറ്റ് അഭിനേതാക്കളില്‍ ഉള്‍പ്പെടുന്നു. പ്രശസ്ത മാധ്യമ പ്രവര്‍ത്തകന്‍ സജീവ് ഇളമ്പല്‍ തിരക്കഥ രചിച്ച ചിത്രത്തിന്റെ കഥ സംവിധായകന്റെത് തന്നെയാണ്.

Leave a Reply

Your email address will not be published. Required fields are marked *

error: Content is protected !!