തീര്‍ച്ചയായും അതു സംഭവിച്ചു’; മോഹന്‍ലാല്‍

കുഞ്ഞാലി മരക്കാര്‍ എന്ന കഥാപാത്രത്തെ അവതരിപ്പിച്ചപ്പോള്‍ ചരിത്ര പുരുഷനായി സമാനത തോന്നിയിരുന്നുവെന്ന് മോഹന്‍ലാല്‍. കുഞ്ഞാലി മരയ്ക്കാരെ അവതരിപ്പിച്ചപ്പോള്‍, ആ ചരിത്ര പുരുഷനുമായി ഒരു താരതത്മ്യം അനുഭവപ്പെട്ടിരുന്നോ എന്ന ചോദ്യത്തിനാണ് മോഹന്‍ലാല്‍ മറുപടി നല്‍കിയത്.

”ഇതൊരു മില്യന്‍ ഡോളര്‍ ചോദ്യമാണ്. തീര്‍ച്ചയായും അതു സംഭവിച്ചിട്ടുണ്ടാകാം. ആ സിനിമ കാണുമ്പോള്‍, അതിന്റെ ക്ലൈമാക്‌സില്‍ അതു ഫീല്‍ ചെയ്‌തെന്ന് ഒരു നടനെന്ന നിലയില്‍ എനിക്കു പറയാം. ആ സിനിമ കാണുമ്പോള്‍ അത് മനസിലാകും. അതുകൊണ്ടു തന്നെ ആ സിനിമയ്ക്ക്, ക്ലൈമാക്‌സിന് പ്രത്യേകതയുണ്ടെന്ന് ഞാന്‍ വിശ്വസിക്കുന്നു” എന്നാണ് മോഹന്‍ലാലിന്റെ മറുപടി.

മരക്കാറിന്റെ പ്രമോഷന്റെ ഭാഗമായി മനോരമ ഓണ്‍ലൈന്‍ സംഘടിപ്പിച്ച പരിപാടിയില്‍ ആണ് താരം സംസാരിച്ചത്. തന്റെയും പ്രിയദര്‍ശന്റെയും സ്വപ്നമാണ് ‘കുഞ്ഞാലിമരക്കാര്‍’ എന്നാണ് മോഹന്‍ലാല്‍ പറയുന്നത്. രണ്ടു വര്‍ഷം കൊണ്ട് പൂര്‍ത്തീകരിക്കേണ്ട സിനിമ 110 ദിവസം കൊണ്ടാണ് ചിത്രീകരിച്ചത്.

തീര്‍ച്ചയായും മലയാളത്തിനും ഇന്ത്യന്‍ സിനിമയ്ക്കും അഭിമാനിക്കാവുന്ന പ്രോജക്ട് ആയിരിക്കും മരക്കാര്‍. ഈ സിനിമ മുഴുവനായി ചിത്രീകരിച്ചിരിക്കുന്നത് ഹൈദരാബാദ് ഫിലിം സിറ്റിയിലാണ്. മൂന്ന് കപ്പലുകള്‍ ഇതിനായി നിര്‍മിച്ചിരുന്നതായും മോഹന്‍ലാല്‍ വ്യക്തമാക്കി. ഡിസംബര്‍ 2ന് ആണ് ചിത്രം തിയേറ്ററുകളില്‍ എത്തുന്നത്.

Leave a Reply

Your email address will not be published. Required fields are marked *

error: Content is protected !!