ജയം രവി യുടെ ‘അഗിലൻ’ തിയറ്ററുകളിൽ പ്രദർശനത്തിന് എത്തി. ഇപ്പോൾ സിനിമയിലെ പുതിയ മേക്കിങ് വീഡിയോ റിലീസ് ചെയ്തു. കല്യാണ കൃഷ്ണൻ സംവിധാനം ചെയ്ത ‘അഗിലൻ’ ജയം രവിയുടെ 28-ാമത്തെ ചിത്രമാണ്, ചിത്രം ഒരു പോലീസ് ഗ്യാങ്സ്റ്റർ ഡ്രാമയാണ്. ഇന്ത്യൻ തീരക്കടലിന്റെ ചുമതലയുള്ള അധോലോക സംഘത്തിന്റെ വേഷത്തിലാണ് ജയം രവി എത്തുന്നത്. നടി പ്രിയ ബഹ്‌വാനി ശങ്കറാണ് ചിത്രത്തിലെ നായികയായി പോലീസ് വേഷത്തിലെത്തുന്നത്.
കഴിഞ്ഞ വർഷം ചിത്രീകരണം പൂർത്തിയാക്കിയ ചിത്രത്തിന്റെ സംഗീതം ഒരുക്കിയിരിക്കുന്നത് സാം സിഎസ് ആണ്. ഹരീഷ് ഉത്തമൻ, തന്യ രവിചന്ദ്രൻ എന്നിവരാണ് ചിത്രത്തിലെ മറ്റ് അഭിനേതാക്കൾ.
