ഉപ്പും മുളകും’ ഏറ്റവും ജനപ്രിയവും ഏറ്റവുമധികം ആളുകൾ കണ്ടതുമായ മലയാളം ടെലിവിഷൻ പ്രോഗ്രാമാണ്. ഷോയിലെ രണ്ട് പ്രധാന അഭിനേതാക്കളായ ബിജു സോപാനവും നിഷ സാരംഗും ഇപ്പോൾ ഒരു ഫീച്ചർ ഫിലിമിനായി ഒന്നിക്കുന്നു. നവാഗതനായ ആഷാദ് ശിവരാമനാണ് ‘ലൈക്ക’ എന്ന് പേരിട്ടിരിക്കുന്ന ചിത്രം സംവിധാനം ചെയ്യുന്നത്. ചിത്രം റിലീസിന് ഒരുങ്ങുകയാണ്. ചിത്രം ഈ മാസം 31ന് തീയറ്ററുകളിൽ പ്രദർശനത്തിന് എത്തും. ഇപ്പോൾ സിനിമയുടെ പുതിയ പോസ്റ്റർ റിലീസ് ചെയ്തു.
ബഹിരാകാശ ഗവേഷണ സ്ഥാപനത്തിലെ മെക്കാനിക്കായ രാജുവിനെ ചുറ്റിപ്പറ്റിയാണ് ചിത്രത്തിന്റെ കഥ വികസിക്കുന്നത്. ബിജു സോപാനം രാജുവിന്റെ വേഷത്തിലും നിഷ സാരംഗ് ഭാര്യ വിമലയായും എത്തുന്നു. നാസർ, ബൈജു സന്തോഷ്, സുധീഷ്, വിജിലീഷ്, നോബി, പ്രവീണ, അരിസ്റ്റോ സുരേഷ്, സിബി തോമസ്, സേതുലക്ഷ്മി, റോഷ്‌നി, നന്ദന വർമ്മ തുടങ്ങി നിരവധി താരങ്ങൾ അണിനിരക്കുന്നു.
