തെലുങ്കിൽ നിന്ന് മികച്ച കഥാപാത്രങ്ങളാണ് മമ്മൂട്ടിയെ സമീപിച്ചത്. സ്വാതികിരൺ, യാത്ര എന്നീ ചിത്രങ്ങൾ ഏറെ ശ്രദ്ധിക്കപ്പെട്ടിരുന്നു. കോൺഗ്രസ് നേതാവ് വൈഎസ് രാജശേഖര റെഡ്ഡിയായി മമ്മൂട്ടിയുടെ യാത്ര ഒരു തരംഗമായി മാറി. യാത്രയ്ക്ക് ശേഷം മമ്മൂട്ടി അഭിനയിക്കുന്ന ചിത്രമാണ് ഏജന്റ്. തെലുങ്കിൽ നിർമ്മിച്ച ചിത്രം മലയാളം, തമിഴ്, കന്നഡ, ഹിന്ദി ഭാഷകളിലും ലഭ്യമാണ്. അഖിൽ അഖിനേനി നായകനായി എത്തുന്ന ചിത്രത്തിൻറെ ട്രെയ്‌ലർ ഏപ്രിൽ 18ന് റിലീസ്ആയി. ചിത്ര൦ ഇന്ന് പ്രദർശനത്തിന് എത്തും.
ചിത്രത്തിൽ മമ്മൂട്ടിക്കൊപ്പം അഖിൽ അക്കിനേനിയും പ്രധാന വേഷത്തിൽ എത്തുന്നു. സ്പൈ ആക്ഷൻ ത്രില്ലർ വിഭാഗത്തിൽ പെടുന്ന ചിത്രത്തിന്റെ രചനയും സുരേന്ദർ റെഡ്ഡിയാണ് നിർവ്വഹിച്ചിരിക്കുന്നത്. അഖിൽ അക്കിനേനിയും മമ്മൂട്ടിയും ആദ്യമായി ഒന്നിക്കുന്ന ചിത്രത്തിൽ സാക്ഷി വൈദ്യയാണ് നായിക. ചിത്രത്തിന്റെ കേരളത്തിലെ വിതരണാവകാശം അഖിലിന്റെയും ആഷിഖിന്റെയും യൂലിൻ പ്രൊഡക്ഷൻസാണ് കൈകാര്യം ചെയ്യുന്നത്.
