രൺബീർ കപൂർ നായകനാകുന്ന ഷംഷേര ജൂലൈ 22 ന് റിലീസ് ചെയ്യും. ചിത്രം ഐമാക്‌സിൽ റിലീസ് ചെയ്യും. ചിത്രത്തിന്റെ റിലീസ് തീയതിയ്‌ക്കൊപ്പം നിർമ്മാതാക്കൾ നടന്റെ ഫസ്റ്റ് ലുക്കും ഔദ്യോഗികമായി പുറത്തിറക്കി. യാഷ് രാജ് ഫിലിംസാണ് ആക്ഷൻ എന്റർടെയ്‌നർ നിർമ്മിക്കുന്നത്, സഞ്ജയ് ദത്തും വാണി കപൂറും അഭിനയിക്കുന്നു.
ഫസ്റ്റ് ലുക്ക് പോസ്റ്ററിൽ, റൺബീർ പരുക്കൻ ലുക്കിൽ നീളമുള്ള മുടിയും വലത് പുരികത്തിൽ ആഴത്തിലുള്ള മുറിവുമായി വളർന്ന താടിയുമായി കാണപ്പെടുന്നു. ആയുധം പിടിച്ചിരിക്കുന്നതും കാണാം. നാല് വർഷത്തെ ഇടവേളയ്ക്ക് ശേഷം രൺബീർ കപൂറിന്റെ ബിഗ് സ്‌ക്രീനുകളിലേക്കുള്ള തിരിച്ചുവരവാണ് ഷംഷേര. 2018ൽ പുറത്തിറങ്ങിയ സഞ്ജുവാണ് അദ്ദേഹത്തിന്റെ അവസാന ചിത്രം. ഹിന്ദി, തമിഴ്, തെലുങ്ക് ഭാഷകളിൽ ചിത്രം പുറത്തിറങ്ങും.