മലയാളത്തിന്റെ സൂപ്പർ സ്റ്റാർ സുരേഷ് ഗോപി നായകനായി എത്തുന്ന ‘മേ ഹും മൂസ’യുടെ ഫസ്റ്റ് ലുക്ക് പോസ്റ്റർ പുറത്തിറങ്ങി. ജിബു ജേക്കബ് ഒരുക്കുന്ന ചിത്രം വലിയ പെരുന്നാള്‍ ദിനത്തിലാണ് പൂർത്തിയായത്. സുരേഷ് ഗോപിയുടെ കരിയറിലെ 253-ാം സിനിമയാണ് ഇത്. വേഗത്തില്‍ പോസ്റ്റ് പ്രൊഡക്ഷന്‍ ജോലികള്‍ പൂര്‍ത്തീകരിച്ച് സെപ്റ്റംബർ 30 ന് ചിത്രം റിലീസ് ചെയ്യുമെന്ന് നിര്‍മ്മാതാവ് തോമസ് തിരുവല്ല അറിയിച്ചു.`
ഒരു ബിഗ് ബജറ്റ് എന്റർടെയ്‌നർ എന്ന് പറയപ്പെടുന്ന ചിത്രത്തിൽ പൂനം ബജ്‌വ, ഹരീഷ് കണാരൻ എന്നിവരും താരതമ്യേന ഒരു കൂട്ടം പുതുമുഖങ്ങളും അണിനിരക്കുന്നുണ്ട്. സുരേഷ് ഗോപിയാണ് ചിത്രത്തിൽ മൂസ എന്ന ടൈറ്റിൽ കഥാപാത്രത്തെ അവതരിപ്പിക്കുന്നത്. കഴിഞ്ഞ മാസം അമൃത്‌സറിൽ വച്ച് ചിത്രത്തിന്റെ ചില ഭാഗങ്ങൾ ചിത്രീകരിച്ചിരുന്നു. പഞ്ചാബും ന്യൂഡൽഹിയുമാണ് പ്രധാന ലൊക്കേഷനുകൾ, അതിൽ കേരളത്തിലും ഭാഗങ്ങളുണ്ട്.