റോം: കൊറോണ ബാധയെ തുടര്‍ന്ന് ജോലിക്ക് പോകാനാകാതെ വീട്ടിലിരിക്കിരുന്ന ഇറ്റലിക്കാര്‍ക്ക് ആശ്വാസവുമായി പോൺ വെബ്സൈറ്റ് വരുന്നു. വീട്ടിലിരുന്ന് ബോറടിക്കുന്നവര്‍ക്ക് സൗജന്യമായി ഒരു മാസം പ്രീമിയം പോണ്‍ വീഡിയോകള്‍ കാണാനാണ് പോണ്‍സൈറ്റായ പോണ്‍ഹബ് സൗകര്യമൊരുക്കി നൽക്കുന്നത്. ഇത് സംബന്ധിച്ച് വെബ്സൈറ്റ് അധികൃതര്‍ വാർത്ത കുറിപ്പ് നൽകി. ഒരുമാസത്തെ സൗജന്യ സേവനമാണ് പോണ്‍ഹബ് വാഗ്ദാനം ചെയ്തിരിക്കുന്നത്.
‘ഞങ്ങള്‍ ഇറ്റലിയെ സ്നേഹിക്കുന്നു. കൊവിഡ് 19 പടരുന്ന സാഹചര്യത്തില്‍ ഞങ്ങളുടെ വരുമാനത്തിന്‍റെ ഒരുപങ്ക് ഇറ്റലിക്ക് സംഭാവന ചെയ്യാന്‍ തീരുമാനിച്ചിരിക്കുന്നു. വീട്ടിലിരിക്കുന്ന നിങ്ങള്‍ക്ക് ഒരുമാസം നിങ്ങളുടെ ക്രെഡിറ്റ് കാര്‍ഡ് ഉപയോഗിക്കാതെ പോണ്‍ഹബ് പ്രീമിയം ആസ്വദിക്കാം’- പോൺ ഹബ് വക്താവ് അറിയിച്ചു.
ലോകത്ത് ഏറ്റവും കൂടുതല്‍ പോണ്‍ഹബ് ട്രാഫിക്കില്‍ ഏഴാം സ്ഥാനമാണ് ഇറ്റലിക്കുള്ളത്. കൊവിഡ് 19നെതിരെ സ്വീകരിക്കേണ്ട കരുതലിനെ സംബന്ധിച്ചും പോണ്‍ഹബില്‍ വിവരങ്ങൾ നല്‍കുന്നുണ്ട്. മുൻപ് കൊവിഡ് 19 ബാധയെത്തുടര്‍ന്ന് ജപ്പാനില്‍ പിടിച്ചിട്ട കപ്പലിലെ യാത്രക്കാര്‍ക്കും സൗജന്യമായി പോണ്‍ കാണാനുള്ള സൗകര്യങ്ങൾ മറ്റൊരു വെബ്സൈറ്റ് കൊടുത്തിരുന്നു.