കൊറോണ വ്യാപനം തടയുന്നതിന്റെ ഭാഗമായി രാജ്യത്ത് ലോക്ക് ലോക്ക് ഡൗൺ പ്രഖ്യാപിച്ചപ്പോൾ ദുരിതത്തിലായത് അന്നന്നത്തെ അന്നത്തിനായി പണിയെടുക്കുന്ന ദിവസ വേതനക്കാരാണ്. നാളേയ്ക്കായി ഒന്നും മാറ്റിവയ്ക്കാതെ സഹജീവികളായ ഇവരെയും ഓരോരുത്തരും പരിഗണിക്കണമെന്ന് ഓർമ്മപ്പെടുത്തുകയാണ് നടി പൂർണിമ ഇന്ദ്രജിത്ത്.മറ്റുള്ളവരോട് പെരുമാറുന്ന രീതിയിലൂടെയാണ് നമ്മുടെ കടപ്പാട് പ്രകടമാക്കുന്നതെന്നും ഈ പ്രതിസന്ധി ഘട്ടത്തെ നേരിടാന് അവരെ നമുക്ക് സഹായിക്കാമെന്നും പൂർണിമ ഫേസ്ബുക്ക് പോസ്റ്റിൽ കുറിച്ചു.