കാലടിയിൽ ചലച്ചിത്രത്തിന്റെ ചിത്രീകരണത്തിനായി പണിത പള്ളിയുടെ മാതൃക തകർത്ത കേസിൽ മൂന്നുപേർ കൂടി പോലീസ് അറസ്റ്റ് ചെയ്തിരിക്കുന്നു. രാഷ്ട്രീയ ബജ്റങ്ദൾ പ്രവർത്തകരായ കെ.ആർ. രാഹുൽ, എൻ.എം. ഗോകുൽ, സന്ദീപ്‌ കുമാർ എന്നിവരെയാണ് പെരുമ്പാവൂർ പോലീസ് കസ്റ്റഡിയിൽ എടുത്തിരിക്കുന്നത്. എല്ലാവരും പെരുമ്പാവൂരിലും പരിസരങ്ങളിലും ഉള്ളവരാണ്. രണ്ടുപേർ ഇന്നലെ അറസ്റ്റ് ചെയ്തിരുന്നു. സംഭവത്തിൽ കൂടുതൽ പ്രതികൾ ഉണ്ടെന്നും ഉടൻ അറസ്റ്റുകൾ ഉണ്ടാകുമെന്നും പോലീസ് വ്യക്തമാക്കി.
ടോവിനോ തോമസ് നായകനാകുന്ന മിന്നൽ മുരളിയെന്ന സിനിമയ്ക്കായി കാലടി ശിവരാത്രി മണപ്പുറത്ത് പള്ളിയുടെ മാതൃകയിൽ പണിത സെറ്റ്, ഞായറാഴ്ച്ച വൈകിട്ടോടെയാണ് പ്രതികൾ തകർക്കുകയുണ്ടായത്. മതസ്പർധ വളർത്തും വിധം പെരുമാറി എന്നതടക്കം വകുപ്പുകൾ ചുമത്തിയാണ് ഇവർക്കെതിരെ കേസെടുത്തിരിക്കുന്നത് പോലീസ്.