സുശാന്ത് സിംഗ് രജ്പുത് അവസാനമായി അഭിനയിച്ച സിനിമ പ്രേക്ഷകർക്ക് മുന്നില്‍ ഇന്നലെ എത്തി. മുകേഷ് ഛബ്രയുടെ സംവിധാനത്തില്‍ സുശാന്ത് നായകനായെത്തുന്ന ‘ദില്‍ ബേചാര’ എന്ന ചിത്രം തീയേറ്ററുകള്‍ അടഞ്ഞുകിടക്കുന്ന കൊവിഡ് കാലത്ത് ഡയറക്ട് ഒടിടി റിലീസ് ആയാണ് എത്തിയത്. ഡിസ്‍നി + ഹോട്ട്സ്റ്റാറില്‍ ഇന്നലെ വൈകിട്ട് 7.30നായിരുന്നു പ്രീമിയര്‍ പ്രദര്‍ശനം.
ഫോക്സ് സ്റ്റാര്‍ സ്റ്റുഡിയോസ് നിര്‍മ്മിച്ചിരിക്കുന്ന ചിത്രത്തില്‍ സഞ്ജന സംഗിയാണ് നായികയായി എത്തിയിരിക്കുന്നത്. സെയ്‍ഫ് അലി ഖാന്‍, സാഹില്‍ വാഹിദ്, ശാശ്വത ചാറ്റര്‍ജി, സ്വാസ്തിത മുഖര്‍ജി, മിലിന്ത് ഗുണജി, ജാവേദ് ജെഫ്രി, ആദില്‍ ഹുസൈന്‍, മലയാളത്തിലെ മുതിര്‍ന്ന അഭിനേത്രി സുബ്ബലക്ഷ്‍മി തുടങ്ങിയവര്‍ മറ്റു വേഷങ്ങളില്‍ എത്തുന്നു. ഓസ്‌കർ ലഭിച്ച ഇന്ത്യൻ സംഗീതജ്ഞൻ എ ആർ റഹ്മാനാണ് സിനിമയ്ക്കായി സംഗീതമൊരുക്കിയത്.